ಸ್ವಾಗತ

ಆತ್ಮೀಯ ಸ್ಮರಣೆ ಗೆಳೆಯರಿಗೆ ಹಾರ್ದಿಕ ಸ್ವಾಗತ!

ಕನ್ನಡ ಸಾಹಿತ್ಯ-ಸಂಸ್ಕೃತಿಯನ್ನು ಸ್ಮರಿಸುವ ಉದ್ದೇಶ ಹೊಂದಿರುವ ಅರಿಜೊನ ಕನ್ನಡ ಮಿತ್ರರ ಗುಂಪು, ಶ್ರೀ ಪ್ರಕಾಶ್ ಜೋಷಿ ಯವರ ನೇತೃತ್ವದಲ್ಲಿ ಕಳೆದ ವರ್ಷದಿಂದ ಸ್ಮರಣೆ ಕಾರ್ಯಕ್ರಮ ಆರಂಭಿಸಿರುವುದು ಸರಿಯಷ್ಟೇ. ಪ್ರತಿ ತಿಂಗಳ ಮೂರನೇ ಶನಿವಾರ ಮಧ್ಯಾಹ್ನ ಒಟ್ಟುಗೂಡಿ, ಅಗಾಧ ಕನ್ನಡ ಸಾಹಿತ್ಯ - ಕೃತಿ, ಕರ್ತೃ, ವಿಶೇಷಗಳನ್ನು ಮೆಲುಕು ಹಾಕುವ ವಿಚಾರ ಮಂಟಪವಾಗಿ ಪ್ರಾರಂಭವಾಗಿರುವ "ಸ್ಮರಣೆ" ಕಾರ್ಯಕ್ರಮವು, ಇದುವರಗೆ - ಮಂಕುತಿಮ್ಮನ ಕಗ್ಗ, ದಾಸ ಸಾಹಿತ್ಯ, ವಚನ ಸಾಹಿತ್ಯ, ಬಾಲ್ಯದ ಮೆಚ್ಚಿನ ಪದ್ಯಗಳು, ಕನ್ನಡ ಲೇಖಕಿಯರು - ಮುಂತಾದ ವಿಷಯಗಳ ಬಗ್ಗೆ ಚರ್ಚಿಸಿದೆ.

ಪ್ರತಿ ಕ್ರಾರ್ಯಕ್ರಮದಲ್ಲೂ ನಾವು ಹಂಚಿಕೊಳ್ಳುವ ಹಲವಾರು ವಿಷಯಗಳು ಕೇವಲ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಜನರಿಗೆ ಹಾಗು ಆ ಕ್ಷಣಗಳಿಗೆ ಮಾತ್ರ ಸೀಮಿತವಾಗದೆ, ಅದನ್ನು ಇತರ ಕನ್ನಡ ಮಿತ್ರರ ಜೊತೆ ಹಂಚಿಕೊಳ್ಳುವ ಉದ್ದೇಶದಿಂದ ಈ ಬ್ಲಾಗ್ ನ್ನು ಆರಂಭಿಸಲಾಗಿದೆ.

ಕನ್ನಡ ಮಿತ್ರರ ಮನದ ಮಾತುಗಳನ್ನು ಹಂಚಿಕೊಳ್ಳುವ ತಾಣವಾಗಿ ಇದು ಹೊರಹೊಮ್ಮುವುದೆಂಬ ಆಶಯದೊಂದಿಗೆ,

ಪ್ರದೀಪ್

Tuesday, January 17, 2012

ಸಂಕ್ರಾಂತಿ ಪ್ರಾರ್ಥನೆ!

ಎಲ್ಲರಿಗು ಸಂಕ್ರಾಂತಿಯ ಶುಭಾಶಯಗಳು.
ಪ್ರದೀಪನ 'ಸಂ' ಕ್ರಾಂತಿ ಬಹಳ ಚೆನ್ನಾಗಿದೆ.
 
ಸ್ಪೂರ್ತಿಯಿಂದ ನನ್ನದೊಂದು ಪ್ರಾರ್ಥನೆ!.
 
++++++++++++++++++++++
ಬೆಳಗಾಯಿತೇಳಣ್ಣ ವೆಂಕಟರಮಣ
ಇಗೊ ಮತ್ತೆ ಬಂದಿದೆ ಮಕರ ಸಂಕ್ರಮಣ
 
ತಲೆಕೆಟ್ಟು ಸೂರ್ಯ ದಿಕ್ಕು ಬದಲಿಸಿದನಂತೆ 
ಮತ್ತದೇ ಊರ್ದ್ವ ಗಮನ ಅದೇ ಉತ್ತರಾಯಣ. 
 
ಪಾಪ ಅವನೇನು ಮಾಡುವನು ಸಕಲ ಗ್ರಹ ಬಲ ನೀನು
ಗ್ರಹಗಳಿಗೂ ಗ್ರಹಚಾರ ಕೊಡುವವನು ನೀನು
 
ಸೂರ್ಯನಿಗೆ ಮೀಸ್ಸಲ್ಲ ನಿನ್ನ ಈ ಪುಂಡಾಟ
ಭೂಮಿಗೂ ತಂದೆ ಸುಗ್ಗಿ ಹುಗ್ಗಿಯ ಕೂಟ
 
ಎಳ್ಳಿಗೂ ಬೆಲ್ಲಕೂ ಕೊಬ್ಬರಿಯ ಸಾಂಕರ್ಯ
ಚಪ್ಪರಿಸೋ ಬಾಯಿಗೆ ರುಚಿಯ ಕೈಂಕರ್ಯ 
 
ಬರಿದೆ ಬದುಕಿರುವವರಿಗಲ್ಲ ಈ ಸಂಕ್ರಮಣ ಉತ್ಕ್ರಮಣ
ಸತ್ತವರಿಗೂ ಉಂಟು ಸಾಂತ್ವನ ತಿಲ ತರ್ಪಣ
 
ಭಾರತೀಯನು ನಾನು ವಿಶ್ವಮಾನವನು
ವಲಸಿಗನು ನಾನು ಉರಿಜೊನದವನು
 
ಬೆಂಬಿಡದ ಬೇತಾಳ ಹಿಂಬಾಲಿಸಿದೆ ನೀನು
ಕೂಡಿಸಿದೆ ಸ್ನೇಹಿಗಳ ಮಾಡಿಸಿದೆ ಸ್ಮರಣೆಗಳ
 
ವಿಸ್ಮರಣ ಶೀಲನಿಗೆ ಸ್ಮರಣ ಶಕ್ತಿ
ಸ್ಮರಣೆಯ ಮಿತ್ರರಿಂ ಸ್ಫೂರ್ತಿ ಶಕ್ತಿ
 
ಬೆಳೆಸು ಬಳಗದ ಶಕ್ತಿ ಬೆಳಗು ಬಳಗದ ಯುಕ್ತಿ
ಪಡುವಣದಿ ಮೂಡಿಸೋ ಕನ್ನಡದ ಭಕ್ತಿ
 
ಅಡಿಗಡಿಗೆ ಇರಲಣ್ಣ ಈ ನಿನ್ನ ಕರುಣಾ
ಮರೆಯದೆ ನಡೆಸಣ್ಣ  ಟೆಂಪಿ ವೆಂಕಟಕೃಷ್ಣ
 
ಬೆಳಗಾಯಿತೇಳಣ್ಣ ವೆಂಕಟರಮಣ
ಇಗೊ ಮತ್ತೆ ಬಂದಿದೆ ಮಕರ ಸಂಕ್ರಮಣ
 
 
-ಪವಮಾನ

2 comments:

  1. samtOSha samtOSha!
    suriyutirali kaavyadhaareya varSha
    sPoortiyaagide ellarigoo ee saMkraaMti
    aaglai smaraNeyu AZkannDigarige mElpaMkti

    haardika shubhaashayagaloMdige,
    Vidya Gadagkar

    ReplyDelete
  2. Namaskara Pavamana & Smarane friends.
    I am extremely happy reading dear pavamanara kavana !!!
    kaavyadhaare yeshtu sphutavaagi nirargalavaagi hommide !
    nimmalli hudugidda ee mahapratibhe heege vanasumavaagi uliyade
    samasta kannadigara manassige aagaaga aahlada needali !!
    Smarane nimmantaha hattu halavaaru supta chetanagalige sphoorti needali
    intaha kavanagalige chaalane needida pradep, vidya avarige namma namana !

    abhimaanadinda
    prakash mattu radha

    ReplyDelete